Wenn: 1. Auguscht Wo: Feldsche Schinznach-Dorf
Ablauf:
- 17.00 Uhr Festwirtschaft
- 18.00 Uhr Musikalischi Underhaltig
- 20.00 Uhr Festred vom Talturnfest-OK
Worum gaht's i de Red?
In üsere Red nähmed mir euch mit uf e Reis dur s Ehrenamt: hüt und früener. Mir luege zrugg uf s Regionalturnfest 2004 z Schinznach-Dorf, zeiged was sich sithär verändert het, und verzelled, wieso ehrenamtlichs Engagement hüt wertvoller isch als je. Au wänn's nid immer eifach isch, motivierti Händ z finde. Natürlich darf debii au s Talturnfest nid fähle: es Projekt, wo nur dank unzähligne freiwillige Stund überhaupt möglich isch. Wär meh wüsse will, muess am 1. Auguscht derbii sii!
Mir freued üs uf en gmüetliche 1. Auguscht mit euch. Und druf, euch nachhär villicht scho als neui Helferin oder neue Helfer am Talturnfest begrüesse z dörfe. Es lohnt sich!