Es tuet sich öppis am Talturnfest 2027, und zwar dert, wo's am meischte turnt: bim Wettkampf. Ab sofort sind d'Wettkampfvorschriften Talturnfest 2027 uf eusere Wettkampf-Siite oder direkt als PDF zum Aluege und Abelade verfügbar.
Für eus isch das e schöne Moment. Het me doch da schwarz uf wiiss zum erschte Mal, was am Talturnfescht turnerisch alles louft. E schöni Vorfreud uf's Sportlichi, wo eus im Juni 2027 erwartet!
Jetzt scho aluege und plane
Mir empfähled allne Vereine: nähmet öich Zit und luegit scho jetzt i d'Wettkampfvorschriften ine. Überlegit öich in Rueh, was ihr 2027 nähmet, also i welne Diszipline und Kategorie ihr aatrete wänd. So sind ihr am 17. Oktober, wenn d'Aamäldig ufgoht, parat und chönnt d'Aamäldig direkt und richtig usfülle.
In de Wettkampfvorschriften findet ihr au alli genaue Reglemänt, zum Bispiel wer mitmache cha, i welne Alterskategorie, und was für Bedingige für di einzelne Wettkampfteil gälted.
En Tipp für d'Oberturner*innen
Die ruehigi Summerzit isch de idealscht Momänt, die Vorschrifte einisch in Rueh dörezgoh. Und dänn, sobald di meischte Summerferie verbi sind, so gäge Ändi August, lohnt sich's, das zäme mit em ganze Verein z'bespräche. So sind alli parat und chönnt d'Aamäldig am 17. Oktober ohni Stress und ohni offeni Frage abschicke.
Mir freued eus scho jetzt uf en herusragende Wettkampf am Talturnfest 2027!
Wettkampfvorschriften Talturnfest 2027 (PDF) · Zur Wettkampf-Seite