Genau es Jahr no, denn gaht's los: Am 11. Juni 2027 startet s'Talturnfescht im Schenkebergertal. De Moment het s'OK zum Aalass gno und isch 365 Täg vor em grosse Tag zum gmüetleche Grillplausch zämecho.
Bi Schlangebrot und Wurst werd mal eifach de gsellig Teil vo'nere Turnfestorganisation gnosse. Wills näbe all de Sitzige, Konzäpt und Plän eben au das bruucht: Zämesii, lache und sich uf das freue, wo mer mitenand uf d'Beine stellt.
Und es git no öppis z'gseh: Sit hüt staht in allne beteiligte Dörfer es Talturnfest-Schild, vo Auenstein über Oberflachs, Schinznach-Dorf, Thalheim und Veltheim bis Villnachern. Es Jahr lang zellt s'Tal jetzt sichtbar abe bis zum Fescht.
Mer freued eus und send debii. Ond du?